XI NIS Халықаралық Ғылыми-тәжірибелік Конференциясы

Жүзден жүйрік спикерлер

Баяндамашылар

Кэтрин Чан

Он сегіз жыл бойы Қытай Халық Республикасының Гонконг арнайы әкімшілік аймағындағы Білім беру бюросы хатшысының орынбасары және орынбасар көмекшісі қызметін атқарғаннан кейін 2018 жылы профессор ретінде Гонконг Университетінің білім беру факультетіне қайта оралды.

Академиялық тәжірибесінің арқасында Кэтрин білім беру саясатын жүзеге асырып, бағалауда теориялық білімін іс жүзіне асыруда. 2002 жылы Кэтриннің жетекшілігімен «Білім алуды үйрену» (Learning to Learn) аясында Гонконгтың бастауыш сыныптарына арналған білім беру мазмұнын реформалау басталды, сондай-ақ дарынды балаларды оқыту, бағалау жүйесін реформалау және білім беру саласында ақпараттық технологияларды пайдалану сияқты өзге бастамалар пайда болды. Сонымен қатар, Кэтрин жоғары сыныптарға Жаңа академиялық құрылымның енгізілуін қадағалады, барлық мүдделі тараптардың белсенді қатысуы жағдайында мектептер мен мұғалімдерді қолдау стратегиясын әзірледі, Гонконг, құрлықтық Қытай және басқа елдердің орта және жоғары мамандандырылған білім беру саласының даму траекториясын құрастырды. Реформалар оқушыларға, мұғалімдер мен мектептерге оң әсер етті. Кэтрин реформалау тәжірибесін ұғынып, оны пайдалануға, мұғалім кәсібін байытуға, зерттеу жұмысын ынталандыруға және білімнің кең таралуына тырысады. Профеесор Чан өз еңбек жолын мектеп мұғалімі және инспекторы ретінде бастаған еді.

XI Халықаралық Ғылыми-тәжірибелік Конференциясы, 24-25 қазан 2019 ж.: Пленарлық отырыстағы баяндама

Білім беру мазмұнын реформалауды іске асыру – 12 сабақ

2000 жылдан бастап Гонконг әкімшілік ауданы білім беру жүйесінің кең ауқымды реформаларды бастады. Бұл реформалар балабақшалардан бастап жоғары мектептерге дейінгі оқу жоспарларын жасауға қатысты болды. Осы реформалардың нәтижесінде оқушылардың халықаралық деңгейдегі үлгерімі жақсарды. Жаңа орта мектептің оқу бағдарламасы таңдаулы мектептен білім беру жүйесінен барлығына арналған 15 жылдық кешенді ақысыз білімге көшу үшін қажет. Сонымен қатар, реформалар тез өзгеретін әлемнің қажеттіліктерін қанағаттандыратын университеттік оқу бағдарламасын (үш жылдан 4 жылға дейін) құрастыру үшін қажет. Бұл презентацияда білім беру саласындағы саясаткерлер мен практиктердің кең ауқымды оқу бағдарламасын реформалау кезіндегі келісілген іс-әрекеттерінен алынған он екі қорытынды ұсынылады. Бұл процестер кеңестік және интерактивті сипатта болады және көптеген адамдардың қатысуымен жүзеге асырылады. Мүдделі тараптардың қатарына оқушылар, мұғалімдер және мектеп директорлары, университеттер, ата-аналар, кәсіби қауымдастықтар, түрлі мемлекеттік департаменттер, жұмыс берушілер, қоғамдастықтар, БАҚ, шетелдік институттар мен үкіметтер кіреді.

XI Халықаралық Ғылыми-тәжірибелік Конференциясы, 24-25 қазан 2019 ж.: Пленарлық отырыстағы баяндама

Куррикулумды пәнаралық тұрғыдан қарастыру

Оқу жоспарын жасау немесе мектеп бағдарламаларын саяси және мектеп деңгейінде өзгерту кезінде оқушылардың қажеттіліктеріне, білім беру мен педагогиканың мазмұнына, оқулықтарға / оқу-педагогикалық ресурстарына, бағалауға және басқа мәселелерге қатысты белгілі бір шешімдер қабылдау қажет. Проблемалық сұрақтар әрқашан да бар, мысалы, оқу бағдарламасының мінсіз көрінісі мен оны нақты іске асыру, жаһандану және жергіліктендіру арасындағы айырмашылығы; бірыңғай оқу жоспары және бірнеше оқу бағдарламаларының тұжырымдамасы; қысқа және ұзақ мерзімді жоспарлау; білім беру және білімді қалыптастыру; іріктеу және оқыту мақсатында бағалау; біркелкілік пен әртүрлілік. Білім беру бағдарламаларын өзгертудің негізінде оқушыларды оқыту жатыр. Білімнің әр түрлі салаларынан алынған зерттеулер философия, білім берудің жаһандық және жергілікті түсінігі, әлеуметтік-тарихи, мәдени, ұйымдастырушылық, экономикалық, ғылыми, технологиялық және экологиялық контекстегі практикалық шешімдердің дамуына ықпал етті. Білім беруге тек бір жағынан қарау мүмкін емес. Бұл семинар қатысушылар арасында нақты шешімдер қабылдауда білім беру бағдарламаларға пәнаралық көзқарасын дамытуға бағытталған.