«Назарбаев Зияткерлік мектептері» ДББҰ – Қазақстандағы орта білім беру саласындағы өзгерістердің қозғаушы күші. 2008 жылдан бері біз еліміздің білім беру жүйесін жетілдіруге бағытталған инновациялық білім беру бағдарламаларын, бағалау жүйесін және оқу-әдістемелік ресурстарды әзірлеп, енгізіп келеміз.
Біздің халықаралық конференциямыз – Қазақстанда ғана емес, бүкіл Орталық Азия аумағында орта білім берудің болашағына қызығушылық танытатын реформаторлар үшін маңызды оқиға. Бұл алаңда білім беру саласындағы өзекті мәселелер талқыланып, шешу жолдары ұсынылады. Конференция білім беру саласындағы көшбасшыларды, сарапшыларды, саясаткерлер мен практиктерді біріктіретін жаһандық платформаға айналды.
