XI Халықаралық Ғылыми-тәжірибелік Конференциясы

Мектеп әлемін өзгеретін ұстаздар

24-25 қазан 2019 ж.

Баяндамашылар үшін ақпарат

 

ДББҰ Халықаралық конференциясында баяндама оқуға қызығушылық білдіргеніңіз үшін Сізге алғысымызды білдіреміз.

Бұл парақшада Сіз конференция қатысушыларына қойылатын талаптар туралы толық ақпаратпен таныса аласыз.
  1. Абстрактілерді ресімдеуге қойылатын талаптар
  2. Баяндама оқуға қойылатын талаптар
  3. Постерлерге қойылатын талаптар
  4. Секциялық отырыстардың модератортарына арналған ақпарат
  5. Жинақта мақала жариялауға қойылатын талаптар
  6. Көрмеге қатысу бойынша ақпарат

1. Абстрактілерді ресімдеуге қойылатын талаптар

Біздің онлайн жүйеміз арқылы жіберетін абстрактіңіздің аты 20 сөзден көп емес, негізгі бөлімі 600-1000 сөзден кем емес және әдебиеттер тізімі 400 сөзден кем болмауы тиіс. Сонымен қатар, таңдаған желілік бағыт(тар)ыңызды көрсетуіңіз қажет.
Ең басты талап – оқылатын баяндама мектепке дейінгі оқыту мен тәрбиелеу және орта білім беру салаларында жүргізілген зерттеудің нәтижелерін қамтуы керек.
Жіберілген абстракт бес түрлі критерий бойынша бағаланады:
  • Ойды жеткізу тілінің анықтығы және түсініктігі;
  • Зерттеудің түпнұсқалылығы, жүйелілігі мен маңыздылығы;
  • Зерттеудің эмпирикалық немесе талдау сипаты (сипаттама түрде болмауы қажет);
  • Зерттеудің теориялық негізі, әдістемесі, зерттеу әдісі, алғышарттары, нәтижелері мен авторлар қорытындысының көрсетілуі;
  • Қолданылған әдебиеттердің нақты әрі жүйелі түрде берілуі.
Сіздің өтінімдеріңізді құрамына білім беру және зерттеу саласындағы шетелдік және жергілікті сарапшылар кіретін академиялық комитет қарайды. Сіздің өтініміңізді қабылдау немесе қабылдамау туралы нәтижелер Сіз көрсеткен электрондық пошта мекенжайына 2019ж 15-30 тамыз аралығында жіберілетін болады.
Абстрактілерді беру рәсімі бойынша сұрақтар туындаған жағдайда электрондық поштаға submissions @ nis.edu.kz жазу қажет.

2. Баяндама оқуға қойылатын талаптар

Абстрактіңіз қабылданған жағдайда, конференцияға қатысу үшін бөлек тіркеуден өтуіңіз қажет. ДББҰ Халықаралық конференциясына тіркелу үшін келесі сілтемеге басуыңызды сұраймыз — тіркелуге сілтеме.
1 қазанға дейін презентацияңызды үш тілде (қазақ, орыс және ағылшын) submissions (@) nis.edu.kz электрондық мекенжайға жіберуіңізді сұраймыз. Егер Сізде презентацияны үш тілге аудару бойынша сұрақтарыңыз туындаған жағдайда submissions (@) nis.edu.kz пошта арқылы хабарласуыңызды сұраймыз.
Егер абстрактіңіз қабылданып, бірақ белгілі бір себептермен конференцияда баяндама оқи алмайтын болсаңыз, мүмкіндігінше ертерек submissions (@) nis.edu.kz электрондық поштасына жазып жіберуіңізді өтінеміз.
Сөз сөйлеудің уақыт тәртібі Конференцияның бағдарламасында беріледі.
Конференцияға қатысу сіздің мақалаңыздың академиялық шолу мен талаптарға сәйкес болған жағдайда Конференция жинағында басылып шығуына мүмкіндік береді. Толығырақ ақпарат 5 пункте берілген.

3. Постерлерге қойылатын талаптар

Постер өзіңіз өткізген, талданған нәтижелері қоса берілген зерттеуге (қысқа зерттеуге) шолу түрінде берілуі тиіс. Постер тек әдемі ғана емес, сонымен қатар функционалды болуы қажет. Көбінесе, постер PowerPoint бағдарламасын қолдану арқылы жасалады. Постерді ауызша таныстыру шамамен 5 минут болуы қажет.
Постерді рәсімдеу бойынша кеңестер:
  • мәтін сол жақ бойынша түзетілуі тиіс (бұл мәтінді визуалды түрде жақсы қабылдауға әсер етеді);
  • постерді бос жер қалмағанша ақпаратқа толтырған дұрыс емес. Постердің 50% мәтіндік ақпаратпен, ал қалған жерін кесте, схема, сурет және т.б. графикалық ақпаратпен толтырған жөн;
  • постерде зерттеу туралы ақпаратты қабылдауға кедергі келтіретін тым қарама-қайшы түстер қолданбаған абзал.
Постер форматы: постер көлемі — А1; ғаріп көлемі — 28 пт-дан жоғары болмауы тиіс; титулдық тақырып; фон мен мәтін түстері қарама-қайшы болуы қажет (ақ фон – қара түсті мәтін; қара-көк фон – ашық сары мәтін және т. б.).
Постердің құрылымы келесі бөлімдерден тұруы қажет:
  1. Тақырыптың мақсаты мен көкейкестілігі;
  2. Зерттеу сұрақтары;
  3. Әдіснама (зерттеу әдістері: сауалнама, сұхбат, фокус топтары, құжаттарды талдау және т.б.);
  4. Нәтижелер мен талдау;
  5. Қорытындылар;
  6. Пайдаланылған әдебиеттер тізімі.
Постерлердің үлгілерін href=»//conferences.nis.edu.kz/wp-content/uploads/2019/03/Пример-постера-1.pdf» target=»_blank» rel=»noopener noreferrer»>[1], [2] сілтемелеріне өту арқылы табуға болады.

4. Секциялық отырыстардың модератортарына арналған ақпарат

Әрбір секция 90 минутқа созылады. Төменде жұмыс барысында қатаң түрде ұсталуы қажет тәртіп көрсетілген:
  • 2-3 минут: секция модераторының алғыс сөзі;
  • 1 сағат: баяндамашылардың презентациялары;
  • 25 минут: қатысушылар көрсетілген презентацияларды талқылайды, сұрақ-жауап сессиясы жүргізіледі, қорытынды шығарылып, оқылған баяндамалардың негізінде ұсыныстар беріледі;
  • 2-3 минут: секция модераторының қорытынды сөзі.
Секция аясында баяндама оқу тәртібі:
  • екі баяндамашы: презентацияға 30 минут;
  • үш баяндамашы: презентацияға 20 минут;
  • төрт баяндамашы: презентацияға 15 минут;
  • бес баяндамашы: презентацияға 12 минут.  

Секциялық отырыс модераторына арналған ескертпелер

Секция басталмас бұрын:
  • бағдарламаны алдын-ала қарап, қосымша материалдардың берілуін сұраңыз;
  • баяндамашылардың қысқаша өмірбаянымен, баяндамаларымен, мүмкін болса, баяндамашымен танысыңыз;
  • баяндамашыларды баяндама оқу ережесімен және қалған уақыт туралы ескерту үшін қолданылатын белгілермен таныстырыңыз;
  • түрлі форматтағы презентациялар (PowerPoint, Prezi, т.б.) алдын ала компьютерге көшірілгеніне және баяндамашылар көрсеткен техникалық талаптар сақталғандығына көз жеткізіңіз.
Секция барысында:
  • тыңдармандармен амандасып, өзіңізді таныстырып, сессия мақсаты мен баяндамашылар туралы айтып беріңіз;
  • баяндамашыларды қалған уақыт туралы ескерту үшін қолданылатын белгілермен таныстырыңыз;
  • баяндамашыға баяндама оқып болған соң алғысыңызды білдіріңіз, келесі баяндамашының аты-жөні мен баяндамасының тақырыбын дауыстап айтыңыз;
  • егер баяндамашы тәртіпті сақтамаса, сыпайы түрде баяндама оқығаны үшін алғыс білдіріп, тоқтауын сұраңыз;
  • барлық баяндамашылар баяндама оқып болған соң, талқылау үшін қатысушыларға сөз кезегін беріңіз;
  • сұрақ-жауап сессиясын өткізген соң, баяндамашыларға, талқылау қатысушылары мен тыңдармандарға қатысқандары үшін алғыс айтыңыз.
Секциядан соң:
  • қатысушылармен көрсетілген презентацияларды талқылау үшін кішкене қалыңыз;
  • барлық баспа және электронды ресурстар Ұйымдастырушы комитетке тапсырылғандығына көз жеткізіңіз.

5. Жинақта мақала жариялауға қойылатын талаптар

Назарбаев Зияткерлік мектептерінің Халықаралық конференциясы қарсаңында баяндамалар жинағын шығару күтілуде. Жиынтықта тек қана абстракты рецензиялау бойынша оң нәтиже алған және XI Халықаралық Ғылыми-тәжірибелік Конференциясының бағдарламасына кірген жұмыстар шығарылады. Зерттеу жұмысыңыздың баяндамалар жинағына еңгенін қаласаңыз оны 2019 жыл, 26 қазан, сағат 23.00-ге дейін (Нұр-Сұлтан уақытымен) abdigalikyzy_u@cpm.kz (қазақша), abisheva_d@cpm.kz (орысша), tursunbayev_m@cpm.kz (ағылшынша) пошталарға жіберуіңізді сұраймыз.
Мақалаларға қойылатын талаптардың үш тілдегі нұсқасын мына сілтемеге өту арқылы жүктеп ала аласыз.

6. Көрмеге қатысу бойынша ақпарат

Конференцияда білім беру көрмесін өткізу жоспарлануда. Көрмеге қатысуға білім беру қоғамдастығына өнімдер мен материалдарды қызықтыратын материалдар ұсынылған ұйымдар шақырылады. Көрме Конференцияның екі күнінде 08.00-ден 16.00-ге дейін өтеді. Көрме алаңын орнату Конференция күнінен бір күн бұрын өткізіледі.
Көрмені өткізу үшін конференцияға conference (@) nis.edu.kz электрондық поштасы арқылы хат жіберіңіз.
Толық ақпаратты conference (@) nis.edu.kz электрондық поштасына жазуға болады.