NIS Халықаралық Ғылыми-тәжірибелік Конференциясы
Жүзден жүйрік спикерлер
Баяндамашылар
Гарри Патринос
Гарри Энтони Патринос Шығыс Азия және Тынықмұхит аймағы бойынша Білім саласындағы жаһандық тәжірибе менеджері.
Вашингтон қаласында және 10 Азия мемлекеттерінде орналасқан жұмыс тобын басқарады. Басты міндеттеріне стратегиялық жоспар мен бағыт анықтау, ақыл-ой еңбегінде инновациялардың өткізілуін ынталандыру және қолдау, қаржыландыру, сондай-ақ қойылған мақсаттардың іске асуын қамтамасыз ету үшін жетекшілік қызметін атқару жатады. Ол білім беру экономикасында, атап айтқанда білім беру қызметтерін коммерцализациялау, мектептегі басқару, сұранысты қаржыландыру және мемлекет пен жеке меншік сектор арасындағы әріптестікке маманданған. Оған дейін Гарри Патринос Аргентина, Колумбия және Мексикада білім саласын қаржыландыру және талдау бағдарламаларын әзірлеу жұмысын басқарды. Байырғы халықтың әлеуметтік-экономикалық жағдайын зерттеді және осы салада белсенді жұмыс жасады. Осы тақырып бойынша екі кітаптың бірлескен авторы болып табылады: Байырғы халықтар, кедейшілік және Латын Америкасында адам әлеуетінің дамуы (Palgrave Macmillan, 2006) және Байырғы халықтар, Кедейшілік және Даму ( Cambridge, 2014). Академиялық және білім саласындағы саясатқа қатысты бірнеше мақалалары бар, оның ішінде 50-ден астам мақаласы журналдарда жарық көрді. Гарри келесі кітаптардың бірлескен авторы: Мектептер жұмыс жасауы керек: білім саласындағы есеп беру реформасы туралы жаңа мәліметтер (Дүниежүзілік банк, 2011), Мемлекет пен жеке меншік секторының білім саласындағы әріптестігінің ролі мен әсері (Дүниежүзілік банк, 2009); және Мектепте шешім қабылдаудың бір орталықтан жүзеге асыруын алып тастау: Мектепті басқарудың теориялары мен тәжірибелері (Дүниежүзілік банк, 2009). Сонымен қатар, ол Африка, Азия, Еуропа, Таяу Шығыс және Солтүстік Америкада жұмыс жасаған. Оған дейін Канаданың Экономикалық кеңесінде экономист лауазымында қызмет атқарды. Философия докторы дәрежесін Сассекс университетінде алды.