NIS Халықаралық Ғылыми-тәжірибелік Конференциясы

Жүзден жүйрік спикерлер

Баяндамашылар

Дэвид Марш

Ғылым докторы Дэвид Марш 25 жылдан астам Финляндияның білім беру саласында стратегиялық және иновациялық әдістемелерді әзірлеп келеді.

Ғылым докторы Дэвид Марш 25 жылдан астам Финляндияның білім беру саласында стратегиялық және иновациялық әдістемелерді әзірлеп келеді. Ол 40-тан астам елде, мысалы Африка, Таяу Шығыс, Шығыс пен Оңтүстік Шығыс Азия, Ресей, Солтүстік және Оңтүстік Америка, кәсіби қызмет атқарып болған. Дэвид Марш 150-ден астам басылымды шығаруға үлес қосып, Ұлыбритания, Финляндия және Испания елдерінде 5 ғылыми дәрежеге ие болған. 1990-шы жылдары ол Еуропа Комиссиясының қолдауымен Пән мен тілді кіріктіріп оқыту (CLIL) тәсілдемесін шығарып, іске қосты. Оның «Балалар мен киберкеңістік: жаңаша ойлауға бет алу» (The Children of Cyberspace: Towards a New Understanding) жұмысы 2019 жылы жарық көреді деп жоспарлануда. Алайда, ол тілдердің ақыл-ой мен миға әсері, жағымды мектеп экожүйесін құру және білім беру тәжірибесін цифрлық сауатты жастардың қажеттіліктеріне қарай бейімдеу тақырыптарына ерекше зейін қояды.

X Халықаралық Ғылыми-тәжірибелік Конференциясы, 25-26 қазан 2018 ж.: Пленарлық отырыстағы баяндама

Кіріктіру арқылы инновацияларға қол жеткізу

Цифрлық буын дегеніміз – ересек өмірге қадам басқалы тұрған жастар. Оларды балалық шағынан бастап өмірдің ажырамас бөлігі болып табылатын алуан түрлі технологиялар қоршаған. Ол, өз кезегінде, олардың ақпарат қабылдап, пайдалану әдісіне әсерін тигізді. Технологиялық тұрғыдан ілгері жастар күннен күнге жаңа оқу жағдайлары мен оқу орталарын ойлап шығарып, академиялық әдеттерді қалыптастыруға ықпал етеді. Осы өзгерістер көбінесе білім беру саласындағы инновациялардан жылдам енгізіліп отырады. Сонымен қатар біздің қоғамда үздіксіз біріктіру және кіріктіру үдерістері орын алуда. Олар жастар мен жалпы қоғамның әлеуетін іске асыруға бағытталған тиімді әрі инновациялық білім беру жүйелерін құру қажеттілігін тудырады. Заманауи өмірдің шапшаң қарқыны мен әлеуметтік, технологиялық және цифрлық тұстарының араласуы білім беру мәдениеті мен тәжірибесін айтарлықтай өзгертуді талап етеді. Білім беру жаңа буынның талаптарына сай болу үшін пәнді терең оқуға және 21 ғасыр құзіреттіліктерін меңгеруге бағытталған оқу жоспарларын әзірлеу қажет. Тақырыптық оқыту (phenomenon-based learning) деп аталатын пәндерді біріктіру тәсілдемесі бүгінгі күні Финляндияда кеңінен қолданылатын шешімдердің бірі болып табылады. Осы тәсілдеме шеңберінде оқушылар белгілі тақырыпты әртүрлі академиялық пәндердің көмегімен оқиды. Осылайша, инновациялық оқу тәжірибелері арқылы академиялық мақсаттарға қол жетіп, жаңа заман құзіреттіліктері дамиды.

X Халықаралық Ғылыми-тәжірибелік Конференциясы, 25-26 қазан 2018 ж.: Мастер-класс

Оқыту мен оқу CLIL аясында қалай өзгерді?

CLIL Батыс Еуропада туындағандықтан семинарда оның шығу тарихына қатысты мәселер қарастырылып, сұрақтарға жауап беріледі. Осы уақытқа дейін қосымша тілде оқыту дәстүрлі оқыту көзқарасын қайта қарастыруды талап етеді деп есептелген еді. Мұндай түсінік жоғары сапалы білім беруге қол жеткізу мен қамтамасыз етуді негізгі басымдық ретінде анықтаған мектептерде оқыту мен оқу тәжірибесінің өзгеруіне әкелді. Семинар кезінде осы негізгі тәжірибелер сыныпта қалай жүзеге асырылатынын қарастыратын боламыз.